ਕੋਹਲੂ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਹਲੂ (ਨਾਂ,ਪੁ) ਪਸ਼ੂਆਂ ਦੇ ਬਲ ਦੁਆਰਾ ਦਾਬ ਦੀ ਵਿਧੀ ਨਾਲ ਤੇਲ-ਬੀਜਾਂ ਵਿੱਚੋਂ ਤੇਲ ਕੱਢਣ ਵਾਲਾ ਸਮੁੱਚਾ ਢਾਂਚਾ

ਕੋਹਲੂ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਹਲੂ [ਨਾਂਪੁ] ਸਰੋਂ ਵੜੇਵੇਂ ਆਦਿ ਦਾ ਤੇਲ ਕੱਢਣ ਵਾਲ਼ੀ ਮਸ਼ੀਨ ਜਿਸ ਨੂੰ ਬਲ਼ਦ ਆਦਿ ਨਾਲ਼ ਚਲਾਇਆ ਜਾਂਦਾ ਹੈ

ਕੋਹਲੂ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕੋਹਲੂ, (ਪ੍ਰਾਕ੍ਰਿਤ : कुठलो, ਸੰਸਕ੍ਰਿਤ : कुठर) \ ਪੁਲਿੰਗ : ਤੇਲ ਕੱਢਣ ਦਾ ਇਹ ਜੰਤਰ

–ਕੋਹਲੂ ਦਾ ਬਲ੍ਹਦ, ਪੁਲਿੰਗ : ਇੱਕ ਹੀ ਥਾਂ ਤੇ ਚੱਕਰ ਖਾਣ ਵਾਲਾ, ਜੋ ਹਰ ਵੇਲੇ ਕੰਮ ਵਿੱਚ ਫਿਰੇ, ਨਿਹਾਇਤ ਮਿਹਨਤੀ

–ਕੋਹਲੂ ਦੇ ਬਲ੍ਹਦ ਨੂੰ ਘਰੇ ਪੰਜਾਹ ਕੋਹ,  ਅਖੌਤ : ਬਿਪਤਾ ਦੇ ਮਾਰੇ ਨੂੰ ਘਰ ਵਿੱਚ ਚੈਨ ਨਹੀਂ ਮਿਲਦਾ, ਥੋੜੇ ਥਾਂ ਵਿੱਚ ਫਿਰਨ ਤੇ ਕੰਮ ਕਰਨ ਵਾਲੇ ਵਾਸਤੇ ਕਹਿੰਦੇ ਹਨ

–ਕੋਹਲੂ ਵਿੱਚ ਪੀੜਨਾ , ਮੁਹਾਵਰਾ : ਸਖ਼ਤ ਤਕਲੀਫ਼ ਦੇਣਾ

–ਸਣ ਬੱਚੇ ਕੋਹਲੂ ਪੀੜਨਾ, ਘਣ ਬੱਚਾ ਕੋਹਲੂ ਪੀੜਨਾ, ਜਣ ਬੱਚਾ ਕੋਹਲੂ ਪੀੜਨਾ, ਮੁਹਾਵਰਾ : ਸਾਰਾ ਖ਼ਾਨਦਾਨ ਜਾਂ ਕੁਨਬਾ ਹੀ ਮਰਵਾ ਦੇਣਾ