ਗੋਰਾ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੋਰਾ [ਵਿਸ਼ੇ] ਸਾਫ਼ ਰੰਗ ਵਾਲ਼ਾ; ਅੰਗਰੇਜ਼

ਗੋਰਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੋਰਾ. ਵਿ—ਗੌਰ. ਗੋਰੇ ਰੰਗ ਵਾਲਾ। ੨ ਸੰਗ੍ਯਾ—ਗੋਲਾ. “ਗੋਰੇ ਗੋਰੀ ਬਰਖਾ ਬਰਖਹਿਂ.” (ਗੁਪ੍ਰਸੂ) “ਕਿ ਛੁੱਟੇਤ ਗੋਰੰ। ਕਿ ਬੁੱਠੇਤ ਓਰੰ.” (ਕਲਕੀ) ਗੋਲੇ ਛੁੱਟੇ, ਮਾਨੋ ਓਲੇ (ਗੜੇ) ਵਰਸ ਗਏ। ੩ ਭੂਗੋਲ. ਗੋਲਾਕਾਰ ਪ੍ਰਿਥਿਵੀ. “ਗੋਰਾ ਆਦਿ ਉਚਾਰਨ ਕੀਜੈ.” (ਸਨਾਮਾ) ੪ ਯੂਰਪ ਦੇ ਵਸਨੀਕ ਨੂੰ ਗੌਰ ਰੰਗ ਹੋਣ ਕਰਕੇ ਲੋਕ ਗੋਰਾ ਆਖਦੇ ਹਨ.

ਗੋਰਾ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਗੋਰਾ, (ਪ੍ਰਾਕ੍ਰਿਤ : गोर; ਸੰਸਕ੍ਰਿਤ : गौर) \ ਵਿਸ਼ੇਸ਼ਣ \ ਪੁਲਿੰਗ : ੧. ਸਫ਼ੈਦ ਰੰਗ ਵਾਲਾ, ਗੋਰੇ ਰੰਗ ਵਾਲਾ; ੨. ਅੰਗਰੇਜ਼; ੩. ਗੋਰਾ ਰੰਗ

–ਗੋਰਾ ਸਲਾਹੀਏ ਕਿ ਬੱਗਾ ਹਰ ਦੋ ਲਾਹਨਤ, ਅਖੌਤ : ਜਦ ਕਿਸੇ ਥਾਂ ਹੇਠ ਉਤੇ ਦੁੰਹ ਚੁੰਹ ਭੈੜਿਆਂ ਬੰਦਿਆਂ ਨਾਲ ਵਾਹ ਪੈ ਜਾਵੇ ਤਾਂ ਆਖਦੇ ਹਨ

–ਗੋਰਾਸ਼ਾਹੀ, ਵਿਸ਼ੇਸ਼ਣ : ਹੋਰਿਆਂ ਦਾ;  ਇਸਤਰੀ ਲਿੰਗ : ੧. ਗੋਰਾ ਰਾਜ ਅੰਗਰੇਜ਼ ਦਾ ਰਾਜ; ੨. ਜ਼ੁਲਮ

–ਗੋਰਾਚਿੱਟਾ, ਵਿਸ਼ੇਸ਼ਣ : ੧. ਸਫ਼ੈਦ, ਗੋਰਾ; ੨. ਖ਼ੂਬਸੂਰਤ, ਸੋਹਣਾ

–ਗੋਰਾ ਨਿਛੇਧ, ਵਿਸ਼ੇਸ਼ਣ : ਬਹੁਤ ਹੀ ਗੋਰੇ ਰੰਗ ਦਾ, ਬਹੁਤ ਸੋਹਣਾ

ਗੋਰਾ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਗੋਰਾ, ਪੁਲਿੰਗ : ਗੋਲਾ : ‘ਗੋਰੇ ਗੋਰੀ ਬਰਖਾ ਬਰਖਹਿੰ’

(ਗੁਰਪ੍ਰਤਾਪ ਸੂਰਜ ਪ੍ਰਕਾਸ਼)

ਗੋਰਾ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਗੋਰਾ, (ਪ੍ਰਾਕ੍ਰਿਤ : गोडर; ਸੰਸਕ੍ਰਿਤ : गोपुर) \ ਪੁਲਿੰਗ : ਪਿੰਡ ਦੇ ਨਾਲ ਲੱਗਦਾ ਉਹ ਮੈਦਾਨ ਜਿੱਥੇ ਡੰਗਰਾਂ ਦਾ ਵੱਗ ਇਕੱਠਾ ਹੁੰਦਾ ਹੈ, ਗੋਇਰਾ